"som fell – så rye" i ny utgåve
Etter å ha flytta til Jondal i Hardanger i 1997, kom idèen om å arbeida med napparyer, som viste seg å heita nappaåkle i Hardanger. I åra etter handla arbeidet stort sett om dette, og det førte til produkt som båtryer, napparyer og nappaåkle i sengestorleikar, stolteppe og putar. Allereie i 2001 kom utstillingar, mønsterehefte og historisk artikkel.
I 2020, med aukande interesse i samfunnet både for veving og tradisjonell bruk, er det spurnad etter oppskrifter og historikk. Det danna grunnlag for nytt opplag av Som fell - så rye, utvida med historia.
Eksempel frå åtte sider i mønstersamlinga med tips og finessar for å veva napparyer/åklede.
Oppslag frå mønstersamlinga, som har seks fullstendige oppskrifter i gamal og ny versjon.
Innleiing til historisk artikkel. Bilete er teke i naustmiljøet ved Hardanger Folkemuseum, Utne.
Nappaåkleda i Hardanger finst i mange variantar etter kva materiale og utstyr dei hadde å hjelpa seg med.
Ny utgåve i 2020
Heftet er på 48 sider (A4) og inneheld det meste ein treng veta for å laga ei rye.
NB. Til båtrye brukar ein tettare renning, t.d. vevskei 80 på 10 til ullgarn Nm. 6/2.
Prisen er kr. 350,- fritt tilsendt.”